* اوعي تقرب*
*****
الشاعر / مبروك البنا
*******
يا اللي بتقرا الكف في عيني
قـلبـك فـرق بـينـه وبـينـي
تـُغـدر بيـه شبعـت أسيـه
لا تكلمني ولّا انت تجيني
ليه مش شايف جوه عيوني
بحر العشق ونهر دموعي
قرب مني تـلقـاك عـنـدي
قلبك ساكن جوه ضلوعي
كنت في يوم نبضة لقلبي
روحي لحبك فارده قلوعي
كنت زمان بتقول لي واقول لك
كنت بتعشق زهر ربوعي
كنت بتقـرا كل مشاعـري
جوه كلامي او في سكوتي
قلبك كان دايماً يشاركني
كل افراحي وكل همومي
غبت كتير ياجميل ونسيتني
غبت وقلت كمان عِـدولي
سبتني أغرق جوه دموعي
وجاي دلوقتي تقرا عيوني
جاي تتمسكن عشان تتمكن
أعلن ذلي كمان وخضوعي
قـلبي خـلاص أتـبـرأ منـك
متفكرش كمان في رجوعي
ابـداً أبـداُ مــش هـتصـالح
لو بأديك عطشي اوجوعي
اوعـي تقـرب روح اتغـرب
انا فتحت وقـدت شموعي
------[مبروك البنا]------
ليست هناك تعليقات:
إرسال تعليق