* توب الرجوله *
***
الشاعر / محمد العربى
*******
توب الرجوله
توب الرجوله أدب
و الجدعنه حكايه
و الغيره نار مش خشب
يابو قلب خصَايه
و الفعل غير الكلام
مش رغى ع الفاضى
بيقولو دا المليان
بيكب ع الفاضى
و اللى ملهش لسان
يبقا الشيطان سيده
يمسك فى ديل هدمته
و يحب على ايده
بكره التاريخ يفضحه
و الدنيا هتعيبه
لا فلوسو دى هتنفعه
ولا حد هيفيدو
وولادو هتقول غار
يمكن يريَحنا
داحنا اللى شيلنا العار
كات تنقطع ايده
بقلمى \ محمد العربى
ليست هناك تعليقات:
إرسال تعليق