[♥]}{يا دنيا}{[♥]
***
الشاعر / محمد العربى
*****
يا دنيا راحت خلاص
أيامك الحلوه
دى العشره كانت زمان
الناس كانت حلوه
و الحلو مش بالعلام
يحفظلو كام كلمه
وان كان بيلوى اللسان
و يزوَق الغنوه
بردو الكلام بيبان
عنوانه من كلمه
فيه اللى بان ف عنيه
غير اللى بيقوله
و اللى بيجرى عليه
فى الشر و يطوله
و اللى يدوس ع الناس
و يهزَلك طوله
بكره السنين تكسره
لمَا يجيه دوره
داللى يكون طباخ
السم بيدوقه
واللى بيزرع خير
السعد بينوله
بقلمى \ محمد العربى
ليست هناك تعليقات:
إرسال تعليق