انا إنسان
ولي حقوق ...وفيه صفات
تميزني عن الحيوان
لكن حاسس كتير بحاجات
حاسس ان انا بنهان
مانش إنسان ...
دنا برغوت
فى وسط حيتان
وحقي لو طلبته اموت
منا مش حوت
وعايش كل عمري سكوت
وبخرج من تابوت لتابوت
ماشوفتش للحياه ألوان
وعايش بس اسمي إنسان
لكن عايش ومن غير صوت
لكن هخرج مع الشجعان
يارب اموت
مش احسن ما بقي
فيها جبان
عليه شروط
ما تعملشي
ما تهملشي
ماتسألشي
وفين همشي
وأنا ميت فى قلب تابوت
وحارم نفسي م الأحلام
خلاص هخرج ونادي
وأقول بأعلي الصوت
انا إنسان
ليست هناك تعليقات:
إرسال تعليق