[♥]}{الزهور}{[♥]
***
الشاعر / شاعر العشاق
*****
ورده حمرا وورده صفرا وورده بيضا
اهداهملي يوم حبيبي ف ليلة بيضا
مدهملي وكنا يومها ف وسط روضه
ورده حمرا وقاللي دي علشنان بحبك
واحمرارها يشبه الورود في خدك
انا دوبت يابا في الخدود الوردي
و غرقت والله في العيون السودا
ورده صفرا وقاللي دي علشان بغير
ماهو كل حلو لازم له عشاق كتير
وانتي قوامك حير كل الرسامين
رسمو عليه احدث خطوط الموضه
وسألت قلت طب والبيضا ليه
قال ماانتي عارفه لون جبينك ايه
رمز الصفاء والنقاء والموده
لبس الملايكه والقلوب البيضا
ليست هناك تعليقات:
إرسال تعليق