مجلة سحر الحروف والقوافي الالكترونيه

[♥]}{بنية}{[♥]

***

الشاعرة / Malak Assfar

*****

كانت عم تصرخ من ألامها وتبكي ...

وتدعي يا الله دخلك يا ربي خلصني ...

ومن حواليها نسوة رايحيين وجايين ...

والقابلة عم تقول هاتوا بسرعة مي سخنة ...

أمها قالت يا رب تقوم بالسلامة ...

تأضوي شموع الفرح ببيتنا علامة ...

بنت او صبي ما بتفرق المهم تقوم ...

وتشوف المولود عم يغرد متل الحمامة ...

والكل واقف عم ينتظر قدوم المولود ...

والحماية عم تدعي بسرها الرب المعبود ...

يا ربي يجي الصبي والفرح يقود ...

ويحمل اسم بيو تا نوزع الورود ...

وقالت القابلة يا أحباب صلوا على النبي ...

زغردت الحماية وقالت الحمد لله إجا الصبي ...

ولما شافتها بنت هديت شوية ...

وطأطأت راسها على الأرض وقالت بنية ...

ولما صحصحت الولادة ضحكت شوية ...

ومسكت هالبنت ونظرتلا بحنية ...

وقالت يا ربي ساعدني تا ربيها ...

واحميها بقلبي وبرموش عينيي ...

وعلمها وتبقى متل زنوبيا والخنساء ...

ومتل كيليو بترا وغيرهن من الستات ...

وتحمل رسالة العلم بهالدني وتمشي فيها ...

وينضرب المثل فيها بأنها زينة البنات ...

...............................

ملك الأصفر