[♥]}{لـحـظـة شــوق}{[♥]
***
الشاعر / محمود عبدالخالق
*****
باحبك والحب شويه عليك
باحبك وبدوب ياحبيبي انافيك
واحشني صورتك وملامحك
والشوق اللي بيملى عنيك
مهما أبعد بتحن روحي إليك
بتاخدني الدنيا ومش ناسيك
نفسي يوم ياحبيبي اصارحك
وبادعي مره صدفه ألاقيك
ماتسبنيش اعيش من غيرك
وكفايا تجرح قلب حبيبك
إمتى شوقك لروحي يجيبك
تمسح دمع عيوني بإيديك
باتمنى من قلبي تقرب
أنا من غيرك عايش متغرب
ومش قادر لغيرك أقرب
دا انت ياروحي أغلى حبيب
إمتى هترجع ليا حبيبي
تداويني وتطفي لهيبي
ماليش غيرك انت نصيبي
وانا وحياتي ملك إيديك
محمود عبدالخالق....
شعر عاميه... غنائي...
ليست هناك تعليقات:
إرسال تعليق